Stazje den eksterior, for di kas!

30th Aug, 2020

Bon Tardi!

Nos ta Else i Lynn, studiantenan di aña dos di e estudio Learning & Development in Organisations i nos a benta nos mes den laman hundu.

Mas o ménos 6 luna pasá nos a asosiá ku un dunadó di enkargo for di Boneiru. Lamentablemente nos no por a traha ku nos pia den laman karibe, pero nos a hasi nos tarea for di Hulanda. Esaki no a empidí nos di traha huntu.

Mangazina Di Rei

Mangazina di Rei ta un parti di e parke kultural i sentro edukativo, ku tin komo meta pa aportá na un área multifunshonal. Pa esaki nan ta manehá un parke kultural kaminda studiante di diferente disiplina i nivel huntu ku hendenan ku distansia for di merkado laboral ta haña oportunidat pa desaroyá nan talentonan. Bon òf no?!

E fundashon ta implementá un forma di maneho unda nan ta ofresé diferente programa edukativo pa mucha i hóben. Nan ta risibí guia di hendenan di edat, profeshonalnan i boluntarionan (for di empresa) pashoná.

Kon nos a yega na un tarea for di Boneiru, mi ta tende bo puntra? Nos tabata buska un reto, solamente nos no tabatin niun idea kon nos ta bai duna esaki forma. Pa tuma akshon Lynn a plania un kòmbersashon ku Christel Visser. Despues di un kòmbersashon inovativo i energétiko Christel tabata sa eksaktamente loke/ken nan tabata buska, Heleen.

Heleen tabata nos dunadó di enkargo durante di e trayekto aki. Tabata hopi emoshonante pa tur partido pasobra nos ta promé studiantenan ku a traha pa un dunadó di enkargo for di eksterior i a ehekutá esaki na Hulanda. I ku kua pregunta Heleen a aserká nos? Kon nos por pèrkurá ku tur empleado (nobo) di Mangazina di Rei ta konosí ku mishon i vishon di e organisashon i ta demostrá eski den nan labor. Ku e pregunta aki nos a kuminsá. Nos a desaroyá un bunita produkto unda un siguiente studiante por implementá e diseño na Boneiru.

Kolaborashon ku distansia di 7.797 kilometer
Ora nos a kuminsá na òktober, tabata ainda spesial pa nos pa traha huntu ku un hende for di distansia. Loke kasi bo no por imaginá bo mes mas pasobra entretantu e ta mas usual ku nunka.

Kisas bo tambe ta eksperensiá esaki, pero online hopi kos ta posibel. Asina nos por a mantené bon kontakto reuniendo ku hopi kòmbersashon via vidio i MS Teams. Uniko kos ku no ta tur bia tabata koperá ta e señal di wifi na Boneiru i plania reunion, teniendo kuenta ku seis ora di diferensia.

Pa e trayekto di familiarisashon tabata di importansia pa e konektá ku kultura di e organisashon i norma i balor di e grupo di enfoke. Debí na distansia nos mester a analisá esaki kompletamente online, no kompletamente e manera ku nos a kustumbrá. Naturalmente nos a preferá di bishitá Mangazina di Rei pero ku bon komunikashon (online) i transparensia, e ta posíbel for di distansia.

Kolaborashon konhunto na Hulanda

Ademas di bon kolega nos ta bon amiga di otro, loke a hisa nos kolaborashon na un nivel mas haltu. Nos por a papia habrí i honesto ku otro i tribi di duna fitbèk ku bista krítiko. Ademas no tabata un problema, konsultá ku otro di trabou den un bar!

Esta un aventura!
Tabata un eksperensia balioso, nos por keda kòrda ku orguyo i positivismo. Nos a sinta ku man na kabes, brua den diferensia di orario, chambuká i hari.

Ehekutando e tarea aki, nos sa e ins and outs tokante kon pa komuniká efektivo i efisiente for di distansia. Kontrolá, kontrolá un bia mas i bolbe kontrolá! Kordinashon i transparensia ku e dunadó di enkargo ta hopi krusial den esaki.

Den futuro sigur nos lo kambia nos Waalstrandje pa playanan na Boneiru pa wak kon nos diseño ta ehekutá den e organisashon. I... naturalmente pa Boneiru tambe.

Bo tambe ke hasi esaki? Nos ta bisa bai p’e! Abo i un organisashon den ekserior por siña hopi di otro. Tuma e paso ei, tuma kontakto ku kompanianan i wak kiko ta posibel den bo estudio.

Nos tep: Sòru pa bo keda komuniká bon i tene bo meta skèrpi, riba distansia tambe bo por logra hopi manera L&D

Saludo,
Else van Rijn i Lynn Gerritsen