After School Program

Mangazina di Rei su programanan edukativo tur ta kai bou di e kapa di “Kunuku Lifestyle Challenge”. E programanan ta basá riba e bida di kunuku; e bida di antes. For di dje por siña hopi kos; manera planta, kushiná, toka, baila, traha produkto, hasi negoshi. Pa hasi esaki un kustumber bèk ta un reto. Ta p’ esei nos a yam’e un lifestyle challenge; e kunuku lifestyle challenge. Ku esaki nos meta ta pa siña mucha i hòbenan tokante di nan raisnan kultural I na mes momento nan ta siña norma i balornan manera kreatividat, pasenshi I rèspèt pa hende i naturalesa.

Mangazina di Rei ta ofresé e programa aki pa skolnan (primario i sekundario), pa akohida despues di skol den siman i pa muchanan individual riba djasabra.

Durante henter aña eskolar muchanan di akohidanan despues di skol por bishita Mangazina di Rei pa un programa mas intensivo. Den e programa aki e muchanan ta bin kada siman durante un periodo mas largu. Despues di e periodo e muchanan por kontrubuí ku lokual ku nan a siña den e evento kultural Nos Zjilea ku Mangazina di Rei ta organisa kada ultimo djasabra di luna!

Pa mas informashon por tuma kontakto ku:
Heleen Christaan-Quartel
Telefon/Whatsapp: +599 701 1825
Email: info@mangazinadirei.com
Adres: Boulevard Miguel A.Pourier z/n. Rincon, Bonaire.
Facebook: www.facebook.com/mangazina

Are you interested in our education program?

2.7.0.1